Aðalfundur RARIK var haldinn 26. mars í Reykjavík

Aðalfundur RARIK var haldinn sl. föstudag í húsakynnum fyrirtækisins í Reykjavík.

Í ávarpi Árna Steinars Jóhannssonar formanns stjórnar RARIK kom fram að liðið starfsár hafi verið fyrirtækinu erfitt vegna mikils fjármagnskostnaðar og að gripið hafi verið til róttækra aðgerða til að bregðast við yfirvofandi gjaldfellingu lána eða vaxtaálagi vegna ákvæða í lánasamningum við erlenda lánadrottna. Einnig kom fram að hefja þyrfti umræðu um nýtt fyrirkomulag niðurgreiðslna til jöfnunar á raforkukostnaði.

Í máli Tryggva Þórs Haraldssonar forstjóra RARIK kom m.a. fram að rekstrarhagnaður af starfsemi RARIK samstæðunnar fyrir fjármagnsliði (EBIT) á árinu 2009 var 1.731 milljónir krónar sem er betra en áætlanir gerðu ráð fyrir. Rekstrarafkoman var mun betri en 2008 sem að stórum hluta má rekja til hækkunar gjaldskrár og hagkvæmrar eigin raforkuframleiðslu en einnig þeirra aðgerða sem ráðist var í til að lækka rekstrarkostnað og fólust m.a. í niðurskurði aðkeyptrar þjónustu og annars rekstrarkostnaðar, samningum við starfsmenn um tekjuskerðingu og styttingu vinnutíma,

Þórhallur Arason kvaddi sér hljóðs og bar fundinum kveðju Steingríms J. Sigfússonar, fjármálaráðherra, sem ekki gat mætt á fundinn en hann var staddur erlendis.

Stjórn RARIK frá aðalfundi 2010 til aðalfundar 2011 helst óbreytt frá árinu á undan og er þannig skipuð: