RARIK hefur frá stofnun fyrirtækisins haft það hlutverk að rafvæða dreifbýli landsins og þannig tekið virkan þátt í að tryggja góð skilyrði til búsetu. Aukinn ferðamannastraumur hefur komið með nýjar áskoranir og áhugaverð verkefni inn í fyrirtækið og stækkað það svæði þar sem þörf er fyrir rafmagn. RARIK fékk nýlega það verkefni að leggja háspennustreng inn á hálendið, frá Brúarhvammi við Tungufljót að Geldingarfelli á Bláfellshálsi. Verkefni þetta var unnið í samvinnu við Neyðarlínuna sem þurfti rafmagn í fjarskiptahús sitt við Illagil. Þetta opnar möguleikann á rafvæðingu hjá öðrum aðilum á svæðinu og eigum við von á áframhaldandi þróun hvað þetta varðar. Nokkur seinkun var á afhendingu efnis í verkið, en það náðist að ljúka því og setja rafmagn á um sama leiti og vetur konungur gerði innreið sína með fullum þunga.
Sími: 528 9000
Opið:
Mán-fim 9-16 og fös 9-15