ao link
Fellivalmynd
Fara á forsíðu vefsvæðis RARIK
Leit
Leit

Nóg að gera á Framadögum

Háskólanemar höfðu mikinn áhuga á að kynna sér starfsemi RARIK á Framadögum alþjóðlegu stúdentasamtakanna AIESEC sem haldnir voru í Háskólanum í Reykjavík í gær. Það voru þau Kristín Inga Arnardóttir, Líney Sveinsdóttir, Árni Freyr Ársælsson og Jón Atli Jóhannsson sem svöruðu greiðlega spurningum nemenda á bás RARIK og höfðu nóg að gera.

 

Framadagar eru haldnir árlega og er markmið þeirra að gefa háskólanemum tækifæri til að kynna sér fyrirtæki og fjölbreytta möguleika á sumarstörfum, framtíðarstörfum eða verkefnavinnu hjá þeim. Um leið eru Framadagar góð leið fyrir fyrirtækin til að hitta og eiga opið samtal við hugsanlega framtíðarstarfsmenn.

 

Fyrirtækin og stofnanirnar sem tóku þátt í Framadögum í ár voru af ýmsum toga og alls staðar að úr atvinnulífinu. Því gafst þarna gott tækifæri fyrir nemendur til að kynna sér ákveðinn þverskurð af íslensku atvinnulífi og fræðast milliliðalaust um starfsemi fyrirtækjanna.

 

Nemendur voru hvattir til að skoða vefsíðu Framadaga en þar var að finna stutta kynningu á hverju fyrirtæki og svör þeirra við spurningum um vinnuumhverfi og þau tækifæri sem standa til boða hjá viðkomandi fyrirtæki og hvaða bakgrunn starfsmenn þess hafa. Okkar fólk átti gott spjall við áhugasama nemendur á Framadögum og hvatti þá til að skoða vefsíðu RARIK og kynna sér starfsemi fyrirtækisins enn frekar þar.

Starfsmenn frá RARIK á spjalli við nemendur á Framadögum
Starfsmenn frá RARIK á spjalli við nemendur á Framadögum.
Starfsmenn RARIK: Kristín Inga og Jón Atli
Starfsmenn RARIK: Kristín Inga og Jón Atli.
Starfsmenn RARIK: Líney og Árni Freyr
Starfsmenn RARIK: Líney og Árni Freyr.

Var efnið á þessari síðu hjálplegt?

Takk fyrir framlag þitt

Takk fyrir ábendingarnar

Rarik

RARIK ohf.

Dvergshöfða 2
110 Reykjavík
Kt. 520269-2669
Netfang: rarik@rarik.is

ÞJÓNUSTUVER

Sími: 528 9000

Opið:
Mán-fim 9-16 og fös 9-15

BILANAVAKT ALLAN SÓLARHRINGINN

Sími: 528 9000

 

 

Fylgdu okkur:

Facebook
Rarik