Þessa dagana vinnur RARIK m.a. að uppsetningu á 1.600 A heimtaug fyrir fiskeldisstöð í Ölfusi, sem er í eigu Laxa Fiskeldi ehf. Byggt hefur verið spennahús með 1.600 kVA spenni fyrir utan stöðina en að henni er lagður 11 kV háspennustrengur frá nálægu fiskeldi úr dreifikerfi RARIK sem tengist svokallaðri fiskeldislínu.
Mikil klöpp er á staðnum þannig að þurft hefur að sprengja þarna talsvert og fleyga fyrir kerjum, skurðum og miklu lagnakerfi, eins og gengur þegar fiskeldi er annars vegar. Suðurverk hf. sér um þær framkvæmdir og hafa nú verið sprengdir yfir 8.000 m³ af bergi.
Fiskeldisstöðin er enn í byggingu, þótt einhver starfsemi sé hafin og talsverð þörf sé á orku Til bráðabirgða hefur veri sett upp 630 A vinnuheimtaug á meðan á framkvæmdum stendur. Enn á eftir að smíða húsið þar sem rafmagnstaflan verður sett upp.
Sími: 528 9000
Opið:
Mán-fim 9-16 og fös 9-15