Þjónustuver RARIK svarar öllum helstu fyrirspurnum varðandi orkureikninga. Hægt er að komast í samband við Þjónustuver í síma 528 9000 eða með því að senda tölvupóst á rarik@rarik.is.
Orkukaupendur fá að öllu jöfnu reikninga mánaðarlega. Í kjölfar mælaálestur verður uppgjör en þess á milli eru sendir út áætlunarreikningar. Við uppgjör endurreiknast áætluð ársnotkun og áætlaður árskostnaður. Upplýsingar um mælastöðu, áætlaða ársnotkun og árskostnað koma fram á reikningum. Orkufrekir viðskiptavinir eru ætíð reikningsfærðir samkvæmt raunnotkun.
Samstarfsaðilar sem ekki hafa kost á að senda okkur reikninga rafrænt í gegnum eigið bókhaldskerfi geta sent reikninga í gegnum þjónustugátt okkar fyrir rafræna reikninga.
Boðið er upp net-, boð- og beingreiðslur auk hefðbundis greiðsluseðils. Heimsendur greiðsluseðill ber aukagjald, seðilgjald. Fyrirtæki eiga kost á rafrænni móttöku orkureikninga í gegnum skeytamiðlanir.
Orkukaupendur sem kjósa að greiða raforkunotkun sína með netgreiðslu eða með greiðsluseðli geta greitt í netbönkum. Beingreiðslur skuldfærast sjálfkrafa, en kröfur sem greiðast með kreditkortum eru sendar til viðkomandi kortafyrirtækja. Sundurliðun (útlit) reikninga er ekki hægt að sjá í netbönkum en RARIK er með eigin viðskiptavef, sjá neðar, þar sem nytsamar upplýsingar koma fram.
RARIK rekur eigin innheimtudeild. Fylgt er ströngum verklagsreglum um útsendingu innheimtubréfa. Fylgt er ströngum verklagsreglum um útsendingu innheimtubréfa og innheimtu kostnaðar. Búast má við fyrstu aðvörun um 20-25 dögum eftir gjalddaga (eindaga). Dráttarvextir reiknast frá gjalddaga.
Orkukaupendur hafa aðgang að viðskiptavef, en þar má skoða viðskiptaupplýsingar svo sem upplýsingar um notkunarstaði, mæla, álestra, reikninga og greiðslustöðu. Unnt er að skoða reikninga og velja prentvænt snið (PDF) bæði samandregið form og sundurliðað. Hægt er að komast inn á viðskiptavefinn með rafrænum skilríkjum eða með kennitölu orkukaupanda auk lykilorðs. Lykilorð má fá sent í heimabanka eða óska aðstoðar þjónustuvers.
Sími: 528 9000
Opið:
Mán-fim 9-16 og fös 9-15