Stofnanir, fyrirtæki og fleiri aðilar geta þurft gögn frá RARIK til úrvinnslu fyrir hvers kyns verkefni sem fyrirtækin vinna áfram með eigin hugbúnaði.
Hér gefst fagaðilum kostur á að sækja gjaldfrjálst gögn um dreifikerfi RARIK, hvort sem það er fyrir rafmagn eða hitaveitu. Í þeim er að finna landfræðilegar upplýsingar t.d. um lagnaleiðir jarðstrengja og loftlína, staðsetningu aðveitu- og aflstöðva eða hitaveitulagnir. Landfræðileg gögn um rafdreifikerfi RARIK eru til frá 1987 í Netbas - gagnagrunni (Powell) og hitaveitukerfi frá 2019. RARIK vinnur einnig með AutoCad, MicroStation og ArcGis.
Nákvæmni gagna er ekki nægileg til að hægt sé að hefja framkvæmdir á lagnarsvæðum á grundvelli þeirra. Þeir sem hyggja á framkvæmdir eru hvattir til að leita til RARIK til að fá nákvæmar upplýsingar um legu og ef með þarf getur RARIK miðað út raf- eða hitaveitulagnir framkvæmdaaðilum að kostnaðarlausu.
Til að ná í gögn þarf að sækja um hér fyrir neðan með því að velja WMS þjónustu. Fylla þarf út alla reiti umsóknareyðublaðsins og samþykkja skilmála.
Kerfi RARIK tekur stöðugum breytingum vegna nýrra framkvæmda. Gögn sem afhent eru í gegnum WMS þjónustu eru uppfærðar daglega samhliða gagnavinnslu.
Með WMS þjónustu er unnt að nýta RARIK gögn á innri kortasjá viðkomandi fyrirtækisins eða nota vefslóð til að færa gögn sem undirlag í CAD forritum (AutoCad og MicroStation býður t.d. upp á slíka þjónustu) eða ArcGis kerfi.
Sími: 528 9000
Opið:
Mán-fim 9-16 og fös 9-15