Vefstefna RARIK ohf. nær til allrar rafrænnar þjónustu sem fyrirtækið veitir á hverjum tíma, svo sem vefs, samfélagsmiðla og innri upplýsingamiðlunar. Stefnan byggir á greiningu þarfa og samtölum við innri og ytri viðskiptavini og tekur einnig mið af heildarstefnumótun RARIK.
Leiðarljós vefstefnunnar eru:
Markmið vefstefnu RARIK er að bjóða upp á áreiðanlega og skilvirka rafræna þjónustu sem byggir upp traust með gegnsæjum upplýsingum um orku og orkudreifingu.
Á rarik.is er lögð áhersla á að mæta þörfum viðskiptavina með áherslu á gott aðgengi að lykilverkefnum og upplýsingum sem þeir þurfa að nálgast á vefnum. Markmiðið er að viðskiptavinir geti afgreitt sig sem mest sjálfir.
Lögð er áhersla á góða og heildstæða notendaupplifun í rafrænni þjónustu sem fylgir tækniþróun á hverjum tíma.
Ytri vefur RARIK tekur mið af kröfum alþjóðlegra aðgengisstaðla (WCAG 2.0: AA) til að stuðla að jöfnu aðgengi allra hópa í samfélaginu, óháð fötlun.
Innri upplýsingamiðlun til starfsmanna RARIK er lykill að góðri þjónustu sem fyrirtækið getur veitt til viðskiptavina. Með vönduðu innra upplýsingaflæði er stuðlað að samræmdri og áreiðanlegri upplýsingagjöf og þjónustu við viðskiptavini.
Lögð er áhersla á einfalda framsetningu efnis með skýrum texta og góðu myndefni.
Vefurinn á að stuðla að aukinni vitund og fræðslu um rafmagn, heitt vatn, orkunotkun, verðlagningu og þá þjónustu sem RARIK veitir.
RARIK vill eiga góð samskipti við viðskiptavini og gefa þeim færi á að koma skoðunum sínum og ábendingum á framfæri með rafrænum hætti.
Upplýsingamiðlun er fyrst og fremst á íslensku en helstu þættir ytri vefs eru einnig á ensku.
Sími: 528 9000
Opið:
Mán-fim 9-16 og fös 9-15