Starfsstöðvar

Rarik rekur umfangsmesta rafdreifikerfi á Íslandi sem nær til 90% af sveitum landsins og til 44 þéttbýliskjarna. Fyrirtækið annast orkudreifingu í flestum sveitarfélögum landsins. Undanskilin eru höfuðborgarsvæðið, Reykjanes og Vestfirðir en þar eru önnur veitufyrirtæki með starfssemi. Auk þess þjóna önnur veitufyrirtæki Akranesi, Akureyri, Húsavík, Árborg og Vestmannaeyjum. Starfsemi okkar er dreifð um landið og starfsstöðvar margar. Yfir 70% af starfsfólki okkar starfa utan höfuðborgarsvæðisins.

Skrifstofur okkar í Reykjavík, á Stykkishólmi, Akureyri, Egilsstöðum og Selfossi hafa fastan opnunartíma en að auki rekum við aðrar starfsstöðvar þar sem ekki er tryggur opnunartími. Þjónustuver okkar svarar öllum fyrirspurnum í síma 528 9000 á virkum dögum en bilanasími er ávallt opinn í sama númeri.