Alvarleg bilun í aðveitustöð RARIK í Hveragerði

Uppfært 08.08.2018 kl. 13:40:

• Skipt verður um aflspenninn seinni partinn í dag.
• Varaaflsvélar verða keyrðar þar til viðgerð er lokið.
• Allir voru komnir með rafmagn um miðnætti í gær.

Fyrst birt á vef 07.08.2018 kl. 21:58:

Alvarleg bilun er í aðveitustöðinni í Hveragerði. Aflspennir í stöðinni virðist bilaður og eru sérfræðingar á leiðinni á staðinn til að greina hvort hægt sé að laga spenninn eða hvort skipta þurfi honum út. Verið er að flytja þrjár varaaflsvélar á staðinn til þess að koma rafmagni á. Flutningur vélanna og vinna við tengingu þeirra mun taka nokkurn tíma og er ekki gert ráð fyrir að rafmagn komi á fyrr en í fyrsta lagi um miðnætti.

Allt er gert til að koma rafmagni á bæinn sem fyrst. Nú þegar er verið að keyra úr 11 kV kerfi RARIK frá Selfossi og Þorlákshöfn, eftir því sem hægt er, til þess að stærri notendur fái rafmagn. Reiknað er með að skammta rafmagn til annara notenda á næstu klukkustundum. Bæjarbúar eru hvattir til að spara rafmagn eins og kostur er. Reynt verður að koma upplýsingum um stöðu mála með sms tilkynningum til notenda og á vefsíðu RARIK eftir því sem upplýsingar berast, en vonast er til að allir fái rafmagn þegar búið verður að tengja varavélar, en fólk er beðið að spara rafmagn eins og kostur er.