Beiðni um sónun á legu jarðstrengja og lagna

Athugið:

Mikilvægt er að undirbúa vel þau verk sem fela í sér jarðvinnu (gröft eða plægingu) þar sem mögulega eru lagnir í jörðu. Hægt er að nálgast upplýsingar um lagnir og jarðstrengskerfi RARIK á kortasjá fyrirtækisins og kanna hvort lagnir eru nálægt þeim stað þar sem jarðvinna er áformuð. Nákvæmni gagna í kortasjá er þó ekki nægileg til að hægt sé að hefja framkvæmdir á lagnarsvæðum á grundvelli þeirra. Í þéttbýli þarf því alltaf að sækja um sónun áður en framkvæmdir hefjast. Í dreifbýli skal sækja um sónun ef kortasjáin sýnir strengi eða vatnslagnir í grennd við framkvæmdasvæðið. Athugið að láta ekki líða langan tíma frá sónun þar til framkvæmd hefst svo að merkingar hverfi ekki.

Þrátt fyrir að búið sé að finna nákvæma legu lagna og jarðstrengja með sónun þarf enn að gæta ýtrustu varúðar ef grafið er í kringum þá og handmokað er frá þeim. RARIK áskilur sér rétt til að hafa spennuvörð á staðnum þegar grafið er og í viðameiri verkefnum áskilur RARIK sér rétt til að krefja umsækjanda um kostnað við spennuvörsluna.

Allt tjón á lögnum RARIK er á ábyrgð framkvæmdaraðila og viðkomandi er rukkaður fyrir viðgerðarkostnaði RARIK vegna tjónsins. Tjón á veitulögnum geta valdið viðskiptavinum RARIK miklum óþægindum og umtalsverðum kostnaði. Ef RARIK telur að beint tjón viðskiptavina megi rekja til tjóns á veitulögnum RARIK þá verður framkvæmdaraðili einnig rukkaður fyrir þeim kostnaði.