Takmörkun á starfssemi 24. júlí til 4. ágúst

Sem innviðafyrirtæki í grunnþjónustu er RARIK með mikinn fjölda sérhæfðs starfsfólks sem erfitt er að leysa af á meðan á sumarleyfum stendur. Mikil áhersla er því lögð á að sem flestir geti tekið frí á þessu tveggja vikna tímabili þegar flestir landsmenn taka sér sumarfrí. Þetta fyrirkomulag auðveldar okkur að halda uppi fullri starfssemi og þjónustu með sveigjanleika í orlofum starfsmanna utan tímabilisins.

Símsvörun og bilanavakt allan sólarhringinn

Símsvörun í aðalnúmer RARIK 528 9000 verður með óbreyttu sniði og bilanavakt verður allan sólarhringinn í síma 528 9000. RARIK verður með fullan viðbúnað eins og venjulega til að bregðast við ef bilanir eða óhöpp verða.

Afgreiðsla erinda getur hins vegar dregist af þessum sökum á tímabilinu og biðjumst við velvirðingar á því en vonumst til að því sé mætt af skilningi þar sem aðeins er um tveggja vikna tímabil að ræða.

Starfsfólk RARIK óskar landsmönnum áframhaldandi góðs sumars.