75 ára afmæli RARIK fagnað í gær víða um land

Það voru fjölmargir sem nýttu tækifærið til að kynnast starfseminni betur og spjalla við starfsmenn RARIK um fyrirtækið og þau verkefni sem í gangi eru um leið og gestir smökkuðu á afmælistertunni og öðrum veitingum sem boðið var upp á. Opnu húsin voru í Borgarnesi, Stykkishólmi, Blönduósi, Sauðárkróki, Akureyri, Þórshöfn, Egilsstöðum, Fáskrúðsfirði, Hornafirði og á Hvolsvelli. Stemningin var góð og um leið og við þökkum gestum fyrir komuna og starfsmönnum RARIK fyrir þeirra góða framlag, birtum við nokkrar myndir frá viðburðum dagsins.