Gátlisti fyrir umsókn á nýrri heimtaug (rafmagn)

• Vinsamlegast athugið að heimtaug verður ekki spennusett fyrr en greiðsla hefur borist. Ef heimtaug er 200 A eða stærri, getur RARIK óskað eftir innborgun/greiðslu fyrr í ferlinu.
• Í verðskrá fyrir tengigjöld rafmagns (kafli 1 fyrir þéttbýli og kafli 2 fyrir dreifbýli) eru upplýsingar um kostnað við að fá heimtaug.

Þegar þú sækir um nýja heimtaug fyrir rafmagn er óskað eftir eftirfarandi upplýsingum:   

• Stærð heimtaugar (verðskrá fyrir tengigjöld rafmagns) 
• Fjöldi fyrirhugaðra mæla. Meginreglan er að það er einn mælir á hverja heimtaug. Viðbótarmælar eru eingöngu settir upp í fjöleignahúsum eða húsum með fleiri matshlutum. Sjá frekari upplýsingar í verðskrá fyrir tengigjöld rafmagns. 
• Nafn, kennitala, símanúmer og netfang orkukaupanda sem á að skrá fyrir mæli. Orkukaupandi er sá sem fær sendan reikning fyrir orkunotkun.

• Nafn, kennitala, netfang og símanúmer rafverktaka sem sér um framkvæmd.

• Áætluð tímasetning
  • Hér er átt við dagsetningu/áætlað tímabil þar sem gert er ráð fyrir að framkvæmd sé komin svo langt að RARIK geti hafist handa við sinn hluta verksins. RARIK mun reyna að verða við óskum um tímasetningar en það er ekki alltaf hægt. Sendið umsókn inn með nokkurra mánaða fyrirvara.

Vinsamlegast skilið eingöngu viðeigandi gögnum (ekki heilum teikningasettum): 

• Teikningar sem sýna afstöðumynd (gott að fá á CAT formi), málsett grunnmynd og snið sem sýna hvar lagnir koma inn í hús.
• Einlínumynd af rafmagnstöflu og mælakassa ef hann er til staðar.
• Ef sótt er um 5 mæla eða fleiri
  - Einfalda útlitsmynd af mælatöflu.
• Ef sótt er um heimtaugar sem eru 200 amper (A) eða stærri þarf einnig að hafa eftirfarandi fylgiskjöl
  - Afláætlun
  - Einfalda útlitsmynd af mælatöflu.
• Ef sótt er um heimtaugar sem eru 400 amper (A) eða stærri mun RARIK óska eftir skammhlaupsútreikningum þegar hönnun verks er hafin. Ekki þarf að skila þeim inn með umsókn.

Hvenær óskar RARIK eftir mælakassa?

• Nauðsynlegt er að tryggja auðvelt aðgengi að mælum hvað varðar aflestur og viðhald. Umsækjandi í dreifbýli skal því setja á sinn kostnað upp mælakassa sem er samþykktur af RARIK. Það sama gildir í þéttbýli þar sem ekki er föst búseta.

Mælakassar samþykktir af RARIK:

Frekari upplýsingar um uppsetningu:

• Allir mælakassar skulu vera með lofttúðu og staðsetning þeirra skal vera í samræmi við  Tæknilega Tengiskilmála Raforkudreifingar (TTR) 2 hluta teikning M3:
  

• Ef heimtaug fer yfir land í eigu annarra þá ber umsækjandi ábyrgð á að útvega leyfi þess landeiganda. RARIK mun upplýsa hvort að þurfi að fara í þessa aðgerð og mun einnig útvega form sem hægt er að nota.
• Umsækjanda ber að leggja, á sinn kostnað, 50 mm plaströr (ekki barka) fyrir heimtaugastreng út fyrir lóðamörk eða að lágmarki 20 m frá húsi í samráði við RARIK. Umsækjandi sér um alla jarðvinnu innan lóðarmarka og skal lagnaskurður vera 50-70 cm djúpur í samráði við RARIK. 
• Ef verið er að sækja um nýja heimtaug í stað bráðabirgðaheimtaugar og sótt verður um flutning heimtaugar síðar þá biðjum við um að þið upplýsið í athugasemdarreit hvað standi til og sendið inn fylgigögn sem sýna bæði núverandi ósk um tengingu og framtíðar.  Þá er hægt að hanna heimtaugina þannig að kostnaður sé í lágmarki.
• Verk skal unnið skv. TTR og skilmálum RARIK.
• Upplýsingar um afmarkanir á milli þéttbýlis og dreifbýlis
• Raflagnahönnuður eða rafverktaki geta verið ykkur innan handar með ákvörðun á stærð heimtaugar.

• Svo að hægt sé að spennusetja heimtaugina þarf rafverktakinn þinn að senda inn þjónustubeiðni í gegnum gátt Húsnæðis- og mannvirkjastofnunar (HMS).