Stefna RARIK í loftslagsmálum

Stefnumið: Að fyrirtækið starfi í sem bestri sátt við umhverfi sitt.

RARIK vinnur að því að draga markvisst úr losun gróðurhúsalofttegunda (GHL) frá starfseminni og þeim áhrifum sem losunin hefur í för með sér. Með því leggur fyrirtækið sitt af mörkum til að ná sameiginlegum markmiðum Parísarsamkomulagsins. Stefna RARIK er að vera traust og samfélagslega ábyrgt fyrirtæki sem er til fyrirmyndar í umhverfismálum.

Markmið RARIK er að helminga kolefnislosun fyrir árið 2030 miðað við losun ársins 2019. Áhersla er lögð á að draga úr beinni losun GHL en það sem út af stendur verður kolefnisjafnað með kaupum á kolefniseiningum frá og með 2020.

Stefnan nær til notkunar á jarðefnaeldsneyti í starfsemi RARIK, samganga starfsfólks vegna vinnu og úrgangsmyndunar. Stefna þessi nær til allrar starfsemi RARIK.

Upplýsingar um árangur aðgerða eru reglulega kynntar stjórn og framkvæmdaráði fyrirtækisins, sem jafnframt samþykkja nauðsynlegar stefnumótandi breytingar sem hugsanlega þarf til að áætlaður árangur náist. Aðgerðaáætlun RARIK í loftlagsmálum er endurskoðuð og endurútgefin árlega og má nálgast á vefsíðu RARIK.