ao link
Fellivalmynd
Fara á forsíðu vefsvæðis RARIK
Leit
Leit

English

Mínar síður
Um RARIK
Fréttir og útgáfa
Þjónusta

Stefna RARIK í umhverfismálum

Stefnumið: Að fyrirtækið starfi í sem bestri sátt við umhverfi sitt.

  1. Verndun umhverfis og lífríkis er hagsmunamál allra. RARIK leggur metnað sinn í að umhverfisvernd verði ávallt höfð til hliðsjónar við stefnumótun og framtíðarþróun fyrirtækisins, rekstur og framkvæmdir. Markmið fyrirtækisins er að nýta orkuauðlindir landsins í þágu þjóðar og í sátt við umhverfið.
  2. Markvisst skal unnið að umbótum á stefnu fyrirtækisins í umhverfismálum og starfsháttum, þar sem m.a. er tekið tillit til fenginnar reynslu, tækniþróunar, rannsókna, þarfa viðskiptavinarins og væntinga þjóðfélagsins.
  3. Stefnu RARIK í umhverfismálum skal miðlað til starfsmanna og þeir hvattir til að taka virkan þátt í umræðu og þróun stefnumótunar og markmiðssetningar fyrirtækisins.
  4. RARIK vill taka þátt í rannsóknum á hugsanlegum áhrifum á umhverfið frá hráefni, framleiðslu, vinnuferlum og úrgangi sem tengist starfsemi fyrirtækisins og hvernig megi draga úr sóun, mengun og spjöllum á vistkerfinu.
  5. Í starfsemi RARIK skal tekið tillit til hagkvæmrar notkunar aðfanga, endurnýtingar efnis og tækjabúnaðar þar sem það á við og ábyrgrar förgunar á úrgangi. Unnið er markvisst að því að draga úr úrgangsmyndun til urðunar og það efni sem til fellur hjá fyrirtækinu er komið í farveg til endurnýtingar eða -vinnslu. Þannig styður RARIK við hringrásarhagkerfið. Öðrum úrgangi og spilliefnum er komið til móttöku- og söfnunarstöðva sem hafa gilt starfsleyfi.
  6. Verndun umhverfisins skal ávallt höfð í fyrirrúmi við hönnun og mat á framkvæmdum og þjónustu á vegum fyrirtækisins. Hönnun og framkvæmd skulu miða að því að valda sem minnstri röskun á umhverfinu og lífríki þess.
  7. Ávallt skal haft samráð við þá sem framkvæmdir snerta og miðað að því að lágmarka jarðrask og ónæði á meðan á framkvæmd stendur. Að verki loknu skal frágangur vera til fyrirmyndar. Við alla vinnu, framkvæmdir og frágang eftir þær skal gæta þess að spilla ekki umhverfinu.
  8. RARIK mun ráðleggja, og þar sem það á við, fræða viðskiptavini og almenning um örugga notkun, dreifingu og meðhöndlun raforku.
  9. RARIK mun hvetja til og, þar sem það á við, krefjast umbóta til samræmis við stefnu fyrirtækisins hjá þeim verktökum sem vinna á vegum og/eða í nafni fyrirtækisins. Jafnframt mun RARIK hvetja verktaka og birgja til að taka upp eða sýna fram á ábyrga stefnu í umhverfismálum.
  10. RARIK vill miðla þekkingu sinni og reynslu á umhverfismálum innan orkuiðnaðarins og meðal almennings, stuðla að opinni umræðu um hvað megi betur fara og taka þátt í stefnumótandi vinnu sem lýtur að verndun umhverfis og lífríkis.
  11. Fyrirtækið mun meta árangur umhverfisstefnunnar og miðla upplýsingum til starfsmanna og viðeigandi aðila.

Markmið í úrgangsmálum

Stefnumið: Að setja skýr og mælanleg viðmið í flokkun úrgangs.

 

Markmið RARIK er að auka hlutfall flokkaðs efnis úr 92% árið 2020 í 95% árið 2025. Verður það gert með því að minnka hlutfall óflokkaðs almenns úrgangs sem fer til urðunar á móttöku- og söfnunarstöðvum.

 

Markmið í úrgangsmálum til 2025

 

Flokkur202020212022202320242025
Hlutfall efnis selt til endurvinnslu81%81%81%81%81%81%
Hlutfall flokkaðs á móttökustöð11%11%11%12%13%14%
Hlutfall óflokkaðs í urðun á móttökustöð8%8%7%7%6%5%
Heildar hlutfall flokkaðs efnis92%92%93%93%94%95%

 

Markmið um minnkað hlutfall óflokkaðs úrgangs til urðunar

 

Flokkur202020212022202320242025
Hlutfall flokkaðs á móttökustöð57%58%60%65%70%75%
Hlutfall óflokkaðs í urðun á móttökustöð43%42%40%35%30%25%

 

Var efnið á þessari síðu hjálplegt?

Takk fyrir framlag þitt

Takk fyrir ábendingarnar

Rarik

RARIK ohf.

Dvergshöfða 2
110 Reykjavík
Kt. 520269-2669
Netfang: rarik@rarik.is

ÞJÓNUSTUVER

Sími: 528 9000

Opið:
Mán-fim 9-16 og fös 9-15

BILANAVAKT ALLAN SÓLARHRINGINN

Sími: 528 9000

 

 

Fylgdu okkur:

Facebook
Rarik